آپ پریشان ہیں‘ سالہا سال سے بیمار ہیں‘ یا آپ کا کوئی عزیز زندگی سے عاجز اور خودکشی کرنے پر مجبور ہے!کاروبار کی بندش ہے یا گھریلو الجھنیں‘ جھگڑے‘ بات طلاق تک پہنچ چکی ہے ۔ گھبرائیے مت! اس ماہ کی یہ مقبول گھڑیاں آپ کیلئے خوشیوں‘ خوشحالیوں اور برکتوں کا پیغام لائی ہیں:۔
اس ماہ کی روحانی محفل
10 جون بروزپیر اور 22 جون بروز ہفتہ رات 8 بجکر35 سے لیکر 9 بجکر55 منٹ کے درمیان گلاب یا موتیا کی عطر سامنے رکھیں اور اس پر اول و آخر تین بار درود پاک کے ساتھ 43مرتبہ یَاحَیُّ یَا قَیُّوْمُ بِرَحْمَتِکَ اَسْتَغِیْثپڑھ کرعطر پر دم کر دیں۔اب اس عطر کو روزانہ تھوڑا تھوڑا کر کے گھر کے چاروں کونوں میں لگا دیں‘کپڑوں پر بھی لگائیں مگر خواتین صرف گھر میں رہتے ہوئے لگائیں۔ یہ ذکر، بھکاری بن کر، خلوص دل‘ درددل ، توجہ اور اس یقین کے ساتھ کہ میرارب میری فریا د سن رہا ہے اور سو فیصد قبول کررہا ہے اور تصور رکھیں کہ آسمان سے ہلکی پیلی روشنی آپ کے دل پر ہلکی بارش کی طر ح برس رہی ہے اور دل کو سکون چین نصیب ہورہا ہے اور مشکلات فوری حل ہورہی ہیں۔ عمل پورا ہونے کے بعد پوری امت، عالم اسلام اور غیرمسلموں کے ایمان کیلئے امن کی دعا‘ اپنے لیے اور اپنے عزیز و اقارب کیلئے دعا کریں۔ ہر جائز دعا قبول کرنا اللہ تعالیٰ کے ذمے ہے‘جائز مرادیں پوری ہوںگی‘گھریلو جھگڑے ‘ پریشانیاں اور مسائل کا خاتمہ ہو گا۔اس عمل کے بعد50 روپے کسی مستحق کو صدقہ کردیں اور اس عمل کا ثواب حضرت ابو بکر صدیق ؓ اور حضرت امام زید سلام اللہ ورضوانہ علیہ کی ارواح مبارک کو ہدیہ کردیں۔
( نوٹ :)-روحانی محفل کے درمیان اگر نماز کا وقت آجائے تو پہلے نماز ادا کی جائے اور بقیہ وقت نماز کے بعد پورا کیا جائے۔ اگر اسی وقت یہ وظیفہ روزانہ کرلیں تو اجازت ہے مستقل بھی کرنا چاہیں تو معمول بناسکتے ہیں۔ ہر مہینے کا ورد مختلف ہوتا ہے اور خاص وقت کے تعین کے ساتھ ہوتا ہے۔ بے شمار لوگوں کی مرادیں پوری ہوئیں۔ ناممکن ،ممکن ہوئیں۔ پھر لوگوں نے اپنی مرادیں پوری ہونے پر خطوط لکھے آپ بھی مراد پوری ہونے پرخط ضرور لکھیں۔ (ایڈیٹر)